Украина Қарулы Күштерінің Бас штабы жұма күні таңертең Бахмут маңындағы Андреевка ауылын қайтарғанын растады, деп жазады Inbusiness.kz "Америка дауысына" сілтеме жасап.
"Қорғаныс күштері шабуыл кезінде Клещеевка ауданында ішінара жетістікке жетті. Шабуыл кезінде олар Андреевканы азат етті", - делінген хабарламада.
Бір күн бұрын Украинаның Қорғаныс министрінің орынбасары Анна Маляр Андреевканы азат еткендерін жариялады, бірақ көп ұзамай сол аймақтағы соғысушы бөлімдердің өкілдері бұл мәлімдемені мерзімінен бұрын деп атады.
Андреевка — Бахмут маңындағы украин әскерилері қайтарып алған алғашқы елді мекен, ол көктемде "Вагнер" ЖӘК отрядтарының қатысуымен ұзақ шабуылдан кейін Ресейдің бақылауына өткен болатын.
Клещеевка мен Андреевка Бахмуттен оңтүстікке қарай бірнеше шақырым жерде орналасқан. Украин әскерилері жаздың басынан бастап қаланы қоршауға тырысып келеді.
Сәрсенбіде бірқатар ресейлік Telegram-арналар Ресей әскери күштері Андреевкадан да, көрші Клещеевкадан да кеткенін хабарлады.
