Ресей әскерлерінің Украинаның Харьков облысы Купянск ауданындағы Гроза ауылын атқылауы салдарынан кемінде 49 адам қаза тапты, оның ішінде бір бала бар, деп хабарлайды inbusiness.kz.
Украинаның бас прокуратурасы мәліметінше, зымыран соққысы 5 қазанда жергілікті уақыт бойынша сағат 13:25-те болған. Тағы жеті адам ауыр жараланған.
Харьков облыстық әскери басқармасының бастығы Олег Синегубов шабуыл жасалған кезде жергілікті дәмханада көптеген бейбіт тұрғындар болғанын атап өтті.
"Азаматтық нысанға – ауылдық кафе-дүкенге зымыраннан оқ атылды. Шабуыл болған кезде дәмханада тұрғындардың бірін жерлеу рәсімі өтіп жатқан", делінген хабарламада
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
