Ресей Федерациясының Сыртқы істер министрлігінің ресми өкілі Мария Захарова Ресейдің Украинадағы "арнайы әскери операциясы" елдегі қазіргі билікті құлатуға бағытталмағанын мәлімдеді, деп хабарлайды inbusinesss.kz.
Оның айтуынша, Мәскеудің қазіргі әрекетінің мақсаты – Донецк және Луганск халық республикаларын қорғау, Украинаны демилитаризациялау және денацификациялау, Ресейге төніп тұрған әскери қауіпті жою. НАТО елдерінің Украинаға ықпал етуі РФ-ға қауіп төндіруде деген пікірде Захарова.
"Операцияның түпкі мақсаты Украинаны басып алу, оның мемлекеттілігін жою, қазіргі билікті құлату да емес", – деді Ресей СІМ өкілі.
Сондай-ақ ол Ресейдің Украинадағы әскери әрекеті жоспарға сәйкес жүріп жатқанын атап өтті.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
