Бұл жолы Tesla және SpaceX негізін қалаушы оның саяси бастамасын сынға алған сенатор Линдси Грэммен пікірталасқа түсті.
Маск өзінің Twitter-дегі аккаунтында қарсыласының ойымен келіспейтінін айтып, Украинаның шығысындағы тұрғындардың көпшілігі орыстар екенін, сондықтан олар Ресей билігін құптайтынын атап өтті.
"Егер сіз халықтың еркі маңызды деп ойласаңыз, біз кез-келген жанжалды аймақта сол жерде тұратындардың ерік-жігерін қолдауымыз керек. Украинаның көп бөлігі Украинаның құрамында болғысы келеді, бірақ елдің кейбір шығыс аймақтарында халықтың көпшілігі орыстар және олар Ресей билігін құптайды", – деді Маск.
Бұған дейін американдық кәсіпкер өзінің бейбітшілікке жету жоспарын ұсынған болатын, оның аясында Қырым Ресейдің құрамында қалады, ал жақында Ресейге қосылған аймақтарда БҰҰ бақылауымен референдумдар тағы бір мәрте өткізілуі тиіс.
