Ұлан Рысқұл Жетісу облыстық спорт басқармасының басшысы болып тағайындалды

652

"Қазақстан барысы" турнирінің алғашқы жеңімпазы Ұлан Рысқұл Жетісу облыстық дене шынықтыру және спорт басқармасының басшысы болып тағайындалды, деп хабарлайды inbusiness.kz.  

Ұлан Рысқұл Жетісу облыстық спорт басқармасының басшысы болып тағайындалды Фото: facebook/ZhetysuPress

Әкімдік дерегінше, Ұлан Ғалымұлы бүгін Жетісу облысының әкімі Бейбіт Исбаевтың өкімімен жаңа лауазымға тағайындалып, қызметіне кірісті.

Айта кетсек, бұл уақытқа дейін қазақстандық палуан Алматы облысы Іле ауданының балалар мен жасөспірімдер спорт мектебінің директоры қызметін атқарып келген.

Ұлан Рысқұл – 2011 жылы ұйымдастырылған "Қазақстан барысы" турнирінің алғашқы жеңімпазы және казақ күресінен күміс кубок иегері.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу