Ақылы жолдың бастапқы пункті – Алматы-Ұзынағаш автомобиль жолының 22 + 640 км, ақылы жолдың (участкесінің) соңғы пункті – Алматы–Талғар автомобиль жолының 22 + 000 шақырымы, деп жазады inbusiness.kz.
Бір сағат ішінде жүріп өткен жолға қарамастан сапар құны:
- Жеңіл көліктер – 0,07 АЕК (241,5 тг);
- 16 жолаушы орнына дейінгі автобустар және жүк көтергіштігі 2,5 тоннаға дейінгі жүк автомобильдері – 0,08 АЕК (276 тг);
- 32 жолаушы орнына дейінгі автобустар және жүк көтергіштігі 5,5 тоннаға дейінгі жүк автомобильдері – 0,14 АЕК (483 тг);
- 32 жолаушы орнынан автобустар және жүк көтергіштігі 10 тоннаға дейінгі жүк автомобильдері – 0,16 АЕК (552 тг);
- Жүк көтергіштігі 10 тоннадан 15 тоннаға дейінгі жүк көліктері – 0,2 АЕК (690 тг);
- Жүк көтергіштігі 15 тоннадан басталатын жүк автомобильдері, оның ішінде тіркемелері бар – 0,22 АЕК (759 тг).
Құжатта көлік құралдарының көрсетілген санаттары үшін 1 айға және 1 жылға абонементтер сатып алу мәселесі де қарастырылған.
Бұйрық 21 шілдеден бастап қолданысқа енеді.
