Ұлттық банк 2022 жылғы ақпандағы инфляциялық болжам бойынша сауалнама нәтижелерімен бөлісті, деп жазды inbusiness.kz.
"Инфляциялық болжам бойынша сауалнама жүргізу әлемдегі геосаяси жағдай күрт нашарлағанға дейін аяқталды. Осылайша, сұрақ-жауап нәтижелері респонденттердің инфляциялық күтулерінің өзгеруін толық көлемде көрсетпеуі мүмкін", – деп түсіндірді бас банкте.
2022 жылы ақпанда инфляция 6,2%-ы құрады, нақты инфляция – 8,7% болды. 2022 жылғы ақпанда келесі 12 айда бағаның ағымдағы өсу қарқынының жеделдеуін немесе сақталуын күтетін респонденттердің үлесі 41%-ды құрады. Бұл 2021 жылы алынған нәтижелермен салыстырғанда аз.
"Респонденттердің 52%-ы өткен айда бағаның өзгеріссіз немесе бірқалыпты өсуін атап өтті. Өткен айда бағаның өсуін атап өткен респонденттердің көпшілігі азық-түлік өнімдерін таңдайды, олардың үлесі 87%-ы құрады. Респонденттердің басым бөлігі азық-түлік құрамында жемістер мен көкөністер, нан-тоқаш өнімдері, жарма, ет, сүт, өсімдік майы бағасының тез өскенін атап өтті", – деп толықтырды Ұлттық банкте.
Өткен 12 айда бағалардың тезірек өсуін байқаған қазақстандықтардың үлесі 63%-ды құрады.
2022 жылы ақпанда ақшалай жинақтары бар халықтың үлесі 17%-ды құрады.
"Респонденттердің көпшілігі қазіргі уақыт ақша жинау үшін қолайсыз деп санайды (38%). Жинақтары бар респонденттердің басым бөлігі жинақтардың соңғы жылда өзгермегенін және өсуін (тиісінше 42% және 32%) атап өтті. Сұралғандардың негізгі бөлігі өткен 12 айда жеке материалдық жағдайын өзгеріссіз болғанын жеткізді (респонденттердің 54%), респонденттердің 34% оның нашарлағанын атап өтті", – деп жазылған сауалнама нәтижесінде.
1 жыл және 5 жылдан кейін елдің даму перспективаларын оң бағалайтын сұралғандардың үлесі тиісінше 52% және 50%-ды құрады. Респонденттердің басым бөлігі бір жылдан кейін жеке қаржылық жағдайы жақсарады деп есептейді (респонденттердің 39%).
