Оның сөзінше, тұрақты қаржылық саясат бағытында жұмыс жалғаса түседі, деп хабарлайды inbusiness.kz сайты.
Үкімет отырысында сөз алған Тимур Сүлейменов инфляцияның өсу тәуекелін азайту үшін дезинфляциялық саясатты жүргізетініне тоқталды.
– Ұлттық банк макроэкономикалық және қаржылық тұрақтылықты қамтамасыз ету бойынша жұмысты жалғастырады. Инфляцияның өсу тәуекелін азайту үшін дезинфляциялық саясатты жүргіземіз. Ақша-кредит саясаты құралдарынан бөлек қосымша шаралар қабылданады, – деді ол.
Сонымен қатар, Ұлттық банк төрағасы инфляциямен күресте бірнеше маңызды шара қарастырылғанын жеткізді.
Олар:
- Алтын сатып алу шеңберінде валюталық операцияларды теңдестіру жалғасады;
- Жеке тұлғалардың несиелері бойынша контрциклдік капитал буферін енгізу туралы шешім қабылданды;
- Банктер үшін міндетті резервтердің ең төменгі талаптарын арттыру жұмысы пысықталып жатыр;
- Активтерді басқару аясында Ұлттық қор мен Бірыңғай жинақтаушы зейнетақы қорының портфелінде жоғары кірістілікке ие активтердің үлесін ұлғайту;
- Қаржы секторының цифрлық трансформациясы жалғасады. Цифрлық теңгені масштабтау жұмысы жүргізіледі.
Бұл цифрлық теңгені мемлекеттік қаржының жаңа бағыттарында енгізу мүмкіндіктерін пысықтауды қамтиды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
