Ұлттық Банк валюталық саясат саласында еркін өзгермелі айырбастау бағамы саясатын жүргізуді жалғастырады. Бұл жөнінде бүгін ҚРҰБ төрағасы Данияр Ақышев ҚР үкіметінің отырысында сөз сөйлегенде хабарлады.
"Теңгенің серпіні іргелі факторлар – төлем балансының жай-күйі, мұнайдың әлемдік бағасы және сауда әріптес елдердегі валюталардың бағамдары негізінде айқындалады, бұл теңгерімсіздікті болдырмауға және экономиканың бәсекеге қабілеттілігін қамтамасыз етуге мүмкіндік береді", – деп атап өтті Ақышев.
Ол "2017 жылдың бірінші жартыжылдығындағы төлем балансы көрсеткіштерінің айтарлықтай жақсаруы қазақстандық экспорттың позицияларына әлемдік бағалар тұрақты болған кезде бағамдық саясат үшін одан әрі тәуекелдерді төмендететінін" атап өтті.
