Қазақстанның Ұлттық банкі қысқамерзімдік кезеңде инфляцияны 3-4%-ға дейін кезең-кезеңмен төмендетуге басымдық береді, деп мәлімдеді Ұлттық банк басшысы Данияр Ақышев.
"Жолдауға сәйкес Ұлттық банк инфляциялық таргеттеу принциптерін жүзеге асыруды жалғастырады. Орта мерзімдік кезеңде инфляцияны 3-4%-ға дейін кезең-кезеңмен төмендету міндеті біз үшін басымдықта болады" – деді Данияр Ақышев жұма күні Астанада үкіметтің кеңейтілген отырысында.
"Сонымен қатар Ұлттық банк инфляция және макроэкономикалық тұрақтылық бойынша мақсаттар арасында тиімді балансты табу арқылы ұзақмерзімдік экономикалық өсімге ықпал ететін болады", – деп атап өтті Ұлттық банк басшысы.
"Егер жылдық инфляция 2015 жылы 13,6% болса, ал 2016 жылдың қорытындысы бойынша 8,5% болды. Қаңтардың соңында жылдық инфляция 7,9%-ға дейін төмендеді, яғни Ұлттық банк үшін қазіргі таңда негізгі міндет болып табылатын 6-8% дәлізге қайта түсті", – деп қорытты Данияр Ақышев.
Қазақстанда инфляция 2016 жылы – 8,5%-ды, 2015 жылы 13,6%-ды құрады. 2017 жылдағы инфляцияның мақсатты дәлізі 6-8%-ды құрамақ.
