Ұлттық қауіпсіздік комитеті бұл мәлімдеменің жалған екенін нақтылап, ондағы ақпарат шындыққа сай келмейтінін мәлімдеді.
– Қоғамда "Бессмертный полк" акциясына бойкот жариялауға шақыратын, патриоттыққа қарсы мазмұндағы риторика таратып жүрген тұлғалар туралы мәлімет жинау үшін арнайы Telegram-бот іске қосылды деген ақпарат тарап жатыр. Бұл хабарламада ҰҚК баспасөз қызметінің атынан жасалған жалған мәлімдеме көрсетілген, – деп хабарлады комитеттен.
Ведомство барлық ресми ақпарат тек knb.gov.kz сайты, сондай-ақ @knbgov_kz Telegram-арнасы мен @knbgovkz Instagram парақшасы арқылы таратылатынын еске салды.
– Азаматтарды тек ресми дереккөздерге сеніп, жалған ақпарат таратпауға шақырамыз, – делінген ҰҚК хабарламасында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
