Үкімет отырысында ұлттық экономика министрі Руслан Дәленов
бюджет тапшылығы бойынша мәлімдеме жасады.
"Бюджет кірістерінің тапшылығын жабу және дағдарысқа қарсы шаралар кешенін қаржыландыру үшін 2020 жылы Ұлттық қордан кепілдендірілген трансфертті 2 трлн 70 млрд теңгеге, яғни 4 трлн 770 млрд теңгеге дейін ұлғайту ұсынылады. Сіздердің қарауларыңызға республикалық бюджетті нақтылаудың ерекше тәртібі аясында 2020-2022 жылдарға арналған кепілдендірілген трансферт туралы заңға өзгеріс енгізу бойынша Президент жарлығының жобасы енгізілді. Жалпы, республикалық бюджеттің шығыстарын бекітілген көлемге қарағанда 1,4 трлн теңгеге ұлғайтып, 14,3 трлн теңгеге жеткізуді жоспарлап отырмыз. Бюджет тапшылығы жалпы ішкі өнімнің 3,5% деңгейінде 841 млрд теңгеге ұлғайтылып, қайта жоспарланады", – деді Руслан Дәленов.
Министрдің мәлімдеуінше, мұнайға қатысты емес тапшылық деңгейі жалпы ішкі өнімнің 10,8%-ын құрайды.
"Жоғарыда айтылғандардың негізінде, 2020-2024 жылдарға арналған әлеуметтік-экономикалық даму болжамы аясында 2020 жылға арналған макрокөрсеткіштер болжамын нақтылауды және кепілдендірілген трансфертті түзету бойынша Мемлекет басшысы жарлығының жобасын қолдауларыңызды сұраймын", – деді Руслан Дәленов.
Қанат Махамбет
