Президент Қасым-Жомарт Тоқаев Ұлттық құрылтайдың кезекті отырысын келесі жылы Көкшетауда өткізуді ұсынды, деп хабарлайды inbusiness.kz сайты.
"Шын мәнінде, мұндай алқалы жиындарды аймақтарда өткізудің мән-маңызы зор. Сол арқылы облыстардың дамуына тың серпін береміз. Осы үрдіс алдағы уақытта да жалғасын табады. Әйгілі Қасым хан – Сарайшықта, Абылай хан – Бурабайда ордасын тіккені белгілі. Есілдің бойында – Кенесары хан мемлекеттігімізді сақтап қалу үшін талай жорыққа шыққан. Бұл аймақ төл шежіремізде айрықша орын алады. Сондықтан Ұлттық Құрылтайдың төртінші отырысын келесі жылы Көкшетауда өткізуді ұсынамын", - деді Мемлекет басшысы Атырауда өткен жиында.
Айта кету керек, осыған дейін Алтын Орданың тарихы туралы көп сериялы деректі фильм түсірілетінін жазған болатынбыз.
