ҚР беделді спортшысы, Шығыс Қазақстан облысының мақтанышы – спортшы Ольга Рыпакова. Ол Олимпиада ойындарының үш медалін алған, оның ішінде әлем чемпионаттарында алған алты жүлдесі бар. Сондай-ақ, Рыпакова Азия рекордшысы, деп хабарлайды inbusiness.kz ҰОК баспасөз қызметіне сілтеме жасап.
Сонымен қатар ҰОК Олимпиаданың қола жүлдегерлері Юлия Галышева (еркін) мен Денис Улановқа (ауыр атлетика) сыйлық тарту етті.
Салтанатты шара аясында 30 жыл ішінде Қазақстан Республикасындағы Олимпиадалық қозғалыстың дамуына зор үлес қосқан ардагерлер мен спорт қайраткерлеріне, көрнекті спортшылар мен жаттықтырушыларға құрмет көрсетілді.
Жеңіл атлетикадан ҚР еңбек сіңірген жаттықтырушылары Сергей Алексеев пен Денис Рыпаковқа, фристайл могулдан Олимпиаданың қола жүлдегері Юлия Галышеваға, күрестен Қазақстан Республикасының еңбек сіңірген жаттықтырушысы Марат Мұзапаровқа, фристайлшы Дмитрий Рейхердқа мерейтойлық медальдар мен дипломдар табыс етілді.
Марапаттауға Ольга Рыпакова қатысты. Ол айтулы спорттық шараға құттықтап, қазақстандық спортшыларға алдағы Азия ойындарында сәттілік тіледі.
Айта кетейік, Қазақстандағы Олимпиадалық қозғалыстың 30 жылдығын мерекелеу аясында ҚР ҰОК еліміздің барлық аймақтарын аралауды жоспарлап отыр.
Ақпарат үшін:
Қазақстан Республикасының Ұлттық Олимпиадалық комитеті
Қазақстан Республикасының Ұлттық Олимпиадалық комитеті (ҚР ҰОК) 1990 жылы 3 ақпанда құрылды. 1992 жылы ҚР ҰОК ресми тіркеліп, 1993 жылы Халықаралық Олимпиадалық комитетінің расталуына ие болды. ҚР ҰОК тәуелсіз қоғамдық ұйым болып табылады. ҚР ҰОК өз қызметінде ХОК Олимпиадалық хартиясын, Қазақстан Республикасының Конституциясын, заңдарын және ҚР ҰОК Жарғысын басшылыққа алады. ҚР ҰОК миссиясы Олимпиадалық қозғалысты дамыту және қорғау, олимпиадалық құндылықтарды – Қазақстан Республикасының аумағында сыйластық, достық пен кемелдікті ілгерілету болып табылады. Ұлттық Олимпиадалық комитетінің тағы бір мақсаты-жоғары дәрежелі қазақстандық спортшыларды Олимпиада ойындарына қатысуға дайындау арқылы Қазақстан Республикасының Жоғары жетістіктер спортын дамыту. ҚР ҰОК тұңғыш президенті Тимур Досымбетов болды. Ұлттық Олимпадалық комитетінің қазіргі президенті-Тимур Құлыбаев.
