Ерболат Досаев ұлттық төлем жүйесінің техникалық дайындығы туралы сөз қозғап, Ұлттық банк Ұлттық төлем жүйесінің техникалық дайындығын қамтамасыз етіп жатқанын жариялады.
"Банкаралық төлем карточкалары жүйесі (БТКЖ) шеңберінде карточкалық транзакцияларды өңдеу бойынша инфрақұрылым құрылды. Қазіргі уақытта бұл жүйені Visa, Mastercard, Union Pay халықаралық төлем жүйелерімен интеграциялау жұмысы жүріп жатыр", – деді Ерболат Досаев.
Ұлттық банк төрағасының сөзінше, нақты уақыт режимінде жеке төлемдер мен ақша аударымдарын жүргізуге арналған Мезеттік төлемдер жүйесінің платформасы жаңартылды.
"Ұлттық төлем жүйесінің компоненттері 2021 жылғы қараша-желтоқсанда қанатқақты жоба ретінде іске қосылады", – деді Ерболат Досаев.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
