Лондон, Париж және Киев Украина мәселесі бойынша бейбітшілік жоспарын бірлесіп әзірлейді. Кейін құжат АҚШ-қа таныстырылады деп күтіліп отыр. Бұл туралы Ұлыбританияның премьер-министрі Кир Стармер айтты, деп хабарлайды inbusiness.kz сайты BBC-ге сілтеме жасап.
Лондонда ірі еуропалық мемлекеттердің басшылары қатысып жатқан саммит өтті. Жиын Украина президенті Владимир Зеленский мен Ақ үй басшысы Дональд Трамп арасындағы дау-дамайдан екі күн өткен соң басталды.
"Қазір біз, Ұлыбритания, Франция және тағы бір-екі ел, Украинамен соғысты тоқтату жоспары бойынша бірлесіп жұмыс істейміз деп келістік. Кейін бұл жоспарды АҚШ-пен талқылаймыз", - деді Стармер.
Сөзінше, Дональд Трамптың да "бейбітшілікке" қол жеткізгісі келетініне "сенімді".
Кир Стармер Еуропа өз мойнына ауыр жауапкершілік алатынын, алайда бұл мәселеде АҚШ-тың қолдауы қажет екенін баса айтты.
