Сәрсенбі күні Ұлыбританияның бірнеше қаласында нәсілшілдікке қарсы наразылық акциялары өтті, деп хабарлайды inbusiness.kz сайты DW-ге сілтеме жасап.
Ұлыбританияның PA агенттігініің мәліметінше, демонстрациялар Лондон, Брайтон, Шеффилд және Бристольде өткен. Ливерпульдегі босқындар орталығының жанында жүздеген адам жиналды. Бирмингемде де жүздеген адам исламға деген өшпенділікке өз наразылығын білдірді.
Құқық қорғау органдары өтуі мүмкін кезекті тәртіпсіздіктерге дайындалу үстінде. БАҚ-тың жазуынша, полицейлер мигранттарға босқын мәртебесін алуда қызмет көрсететін адвокаттар мен кеңес беру орталықтары шабуылға ұшырауы мүмкін деген пікірде.
Лондон полициясы қалада ықтимал тәртіпсіздіктермен күресу үшін қосымша мыңдаған қызметкер жұмылдырылғанын хабарлады. Тағы 1300-ден астам полиция қызметкері тиісті шараларға қосылуға әзір тұр.
