Ұлыбритания королі ІІІ Чарльз келесі аптада медициналық тексеруден өтеді. Осыған байланысты, ол мемлекеттік қызметіндегі міндеттерін атқаруды уақытша тоқтатады, деп жазады inbusiness.kz сайты The Economic Times басылымына сілтеме жасап.
"Жыл сайын мыңдаған еркектер сияқты, патшаға қуықасты безінің ұлғаюына байланысты ем алу қажеттігі туындады. Ұлы Мәртебелінің ісігі қатерсіз, ол келесі аптада емдеу процедурасынан өту үшін ауруханаға барады. Король сауығып кеткенше оның қоғамдық міндеттері уақытша мерзімге тоқтатылады", - делінген Букингем сарайының хабарламасында.
Айта кетейік, Король ІІІ Чарльз 75 жаста. Ол таққа 2022 жылдың қыркүйегінде анасы ІІ Елизавета (19262022) өмірден өткен соң отырды.
Мемлекет басшысының дәрігерлерге алдағы өтініші монархтың үлкен ұлы Уэльс ханзадасы Уильямның әйелі екені белгілі болғаннан кейін жарияланды. Сонымен қатар, 42 жастағы Уэльс ханшайымы Кейт 16 қаңтар күні іш қуысына ота жасап, наурыз айының соңына дейін өз міндетін атқара алмайды.
