Ұлыбритания үкіметі Украинадағы жағдайға байланысты Ресейге бағытталған авиациялық және ғарыштық өнімдер мен технологиялардың экспортына тыйым салды, деп хабарлайды inbusiness.kz корольдіктің сыртқы істер министрлігінің мәлімдемесіне сілтеме жасап.
Сонымен қатар британиялық сақтандырушыларға экономиканың бұл секторларында ресейлік контрагенттерге қызмет көрсетуге рұқсат етілмейді.
Ескере кететін жайт, АҚШ билігі ресейлік уранның импортына тыйым салмайтын болды. Елдің энергетикалық қауіпсіздігі Ресейге, Қазақстанға және Өзбекстанға тәуелді. Бұл елдер АҚШ атом электр станциялары тұтынатын уранның жартысына жуығын өндіреді.
8 наурызда АҚШ Ресейден өңделмеген мұнай және кейбір мұнай өнімдерін, сұйытылған табиғи газ бен көмірді импорттауға тыйым салды. Артынан Ұлыбритания да осындай шешім қабылдады.
Табиғат Нұрболат
