Ел парламенті премьер-министр Борис Джонсонның мерзімінен бұрын парламент сайлауын 12 желтоқсанда өткізу туралы ұсынысын мақұлдады. Бұл бастаманы парламент мүшелерінің 438-і қолдап дауыс берсе, 20-сы қарсы болған.
Заң жобасына патшайым Елизавета II қол қойғаннан кейін, құжат күшіне енеді. Ал сайлау уақытында өту үшін, парламент 6 қарашаға дейін таратылуы тиіс.
Джонсон мерзімінен бұрын сайлау өткізу арқылы парламенттің ЕО-мен Брексит бойынша келісімге келуін жеделтетпек. Басқарушы Консервативті партия қауымдар палатасында басымдығын жоғалтып алған. Онсыз партия одақпен келісім жасай алмайды.
31 қазан күні Ұлыбританияны одақтан келісімге келмей-ақ та шығарамын деп мәлімдеме жасаған Борис Джонсон сайлау өткізуді талап етіп келген еді. Ол саяси доданың Брексит төңірегіндегі түйткілді түбегейлі шешуге көмектесетінін айтқан болатын.
Табиғат Нұрболат
