Ұлыбританияда 2,4 мың украиналық әскери қызметші арнайы оқудан өтті. Бұл туралы Украина Қарулы Күштері Бас штабының Бас жедел басқармасы басшысының орынбасары Алексей Громов мәлім етті, деп хабарлайды inbusiness.kz.
Оның айтуынша, қазіргі уақытта британиялық полигонда қарулы күштердің 2 мыңнан астам жауынгері дайындалуда. Алдағы уақытта тағы 5 мың әскери қызметші оқуға жіберілмек.
Ұлыбританияда өткен айда украиналық жауынгерлерді даярлау бағдарламасы басталды. Оның мақсаты – Ресей Федерациясымен арадағы қарулы қақтығыс барысында 10 мың әскериді жаттықтыру. Бағдарлама аясында сарбаздар қару қолдануды, ұрыс алаңында алғашқы көмек көрсетуді, барлау жүргізуді үйренеді.
Бұған дейін Ұлыбритания Украинаға 2,8 млрд доллар көлемінде әскери-техникалық көмек пакетін бөлген еді. Сарбаздарды оқыту бағдарламасына қаражат осы пакеттен аударылады.
Табиғат Нұрболат
