Жезқазған қалалық соты Ұлытау облысының Мәдениет, тілдерді дамыту және архив ісі басқармасының басшысы Омар Ә. және оның қарамағындағылар – Тілдерді дамыту бөлімінің басшысы А. Сарбаева, "Облыстық ғылыми-әдістемелік орталығы" КМҚК басшысы Г. Жолашарова, "Тілдерді дамыту ресурстық орталығы" КММ басшысы Ж. Оспанова, сондай-ақ жеке компания өкілі О. Талғатқа қатысты үкім шығарды, деп жазады inbusiness.kz сайты.
Тергеу мәліметтері бойынша, олар Жезқазған қаласында 3,9 млн теңгеге мәдени іс-шараларды ұйымдастыру жөнінде қосымша келісім жасап, лауазымдық өкілеттіктерін теріс пайдаланған.
Сот үкіміне сәйкес, Омар Ә. 6 жыл 6 айға бас бостандығынан айырылды, ал іс бойынша басқа фигуранттарға 1 жылға бас бостандығын шектеу жазасы тағайындалды. Сонымен қатар, сотталғандарға мемлекеттік қызмет пен квазимемлекеттік секторда жұмыс істеуге өмір бойы тыйым салынды.
Алайда соттың бұл үкімі заңды күшіне енген жоқ.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, соттың заңды күшіне енген үкімі шыққанға дейін әрбір адам кінәсіз деп есептеледі.
