Ұлытау облысында жыл басынан бері мал ұрлығына қатысы бар екі қылмыстық топтың жолы кесілді, деп хабарлайды inbusiness.kz сайты.
Тергеу барысында топ құрамындағы 10 адамның 13 мал ұрлығы дерегіне қатысы бары анықталып жатыр. Сонымен қатар жекелеген қылмыстық істер бойынша тағы үш күдікті ұсталған.
Жедел-іздестіру шараларының нәтижесінде заңды иелеріне 40 бас мал қайтарылды. Қазір аталған фактілер бойынша сотқа дейінгі тергеу жүргізілуде.
Мал ұрлығының алдын алу мақсатында өңірде "Мал ұрысы" жедел-профилактикалық іс-шарасы тұрақты түрде өткізіліп келеді. Полиция мал иелерін төрт түлікті қараусыз қалдырмай, таңбалап, есепке қоюға шақырды. Мал жоғалған немесе ұрланған жағдайда құқық қорғау органдарына дереу хабарлау қажет.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
