DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 304,04 Brent 36,55
Үндістан делегациясы әскери институтта болды

Үндістан делегациясы әскери институтта болды

Алматыда Радиоэлектроника және байланыс әскери-инженерлік институтына Үндістан делегациясы келді.  

17 Қазан 2019 21:31 410

Үндістан делегациясы әскери институтта болды

Оның құрамында Үндістанның Қазақстандағы әскери атташесі – полковник Милан Наладваде, әскери-әуе күштерінің өкілі – авиация полковнигі Анил Кумар Натур Гураджани, ӘӘК College of air Warefare жетекші оқу орнының офицерлері болды, деп хабарлайды ҚР қорғаныс министрлігінің баспасөз қызметі.

Жұмыс сапары аясында Үнді офицерлері қазіргі заманғы оқу-материалдық базамен және оқыту жүйесімен танысты, әскери институттың аудиториялары мен сыныптарын қарап шықты, онда оларға әскери техника мен қару-жарақ үлгілері көрсетілді.

Қазақстандық әскери институт өкілдері шетелдік қонақтарға Қазақстандағы жоғары әскери білім, оқу орнының даму болашағы, жоғары оқу орнының білім беру және ғылыми әлеуеті туралы айтып берді.

Шетелдік қонақтар өздерін қызықтырған барлық сұрақтарға жауап алды, сондай-ақ әскери институттың мұражайында болды. Үндістан делегациясының жетекшісі құрметті қонақтар кітабына естелік жазба қалдырды.

Шетелдік өкілдер әскери-инженерлік институт оларға оң әсер қалдырғанын айтты. Үнді делегациясы өзара ынтымақтастықты жалғастыруға және дамытуға сенім білдірді, сондай-ақ әскери оқу орнының басшылығына қонақжайлығы үшін алғыс білдірді.

Радиоэлектроника және байланыс Әскери-инженерлік институты зениттік зымыран, радиотехникалық әскерлер, авиацияны радиотехникалық қамтамасыз ету байланыс бөлімдері үшін білікті офицерлерді, сондай-ақ әскерлер мен қару-жарақты басқарудың автоматтандырылған жүйелерінің инженерлерін даярлайтынын атап өткен жөн. Офицер-радиоинженерлерді даярлау 5 мамандық бойынша жүргізіледі. 18 жыл ішінде ЖОО еліміздің Қарулы Күштері үшін 1730 лейтенант – білікті әскери мамандарды даярлады.

inbusiness.kz-ті қараңыз, оқыңыз :

Қазақстандағы әскери ұшу институтына жаңа басшы тағайындалды

ҚР қорғаныс министрінің бұйрығы бойынша әскери ЖОО-ға басшылық ету авиация генерал-майоры Дәурен Қосановқа тапсырылды.  

09 Қазан 2019 22:22 589

Қазақстандағы әскери ұшу институтына жаңа басшы тағайындалды

Ақтөбе қаласындағы Әуе қорғаныс күштерінің Әскери институтына жаңа басшы тағайындалды, деп хабарлайды ҚР қорғаныс министрлігінің баспасөз қызметі.

Қазақстан Әуе қорғаныс күштерінің Бас қолбасшысы авиация генерал-майоры Нұрлан Карбенов институттың жеке құрамына жаңа басшыны таныстырды. Даурен Қосановтың тәжірибесі мен жеке қасиеттерін атап өтіп, жұмысына сәттілік тіледі.

«Сізге жай ғана Әуе қорғаныс күштерінің Әскери институтын басқаруды сеніп тапсырған жоқпыз. Бүгінгі күннен бастап Қазақстанның әскери авиациясының болашағы сіздің қолыңызда. Еліміздің әуе шебінің қауіпсіздігі, сіздің курсанттарды тәрбиелеуіңізге байланысты», – деді Бас қолбасшы жаңа басшыға.

Авиацияның генерал-майоры Дәурен Қосанов – тәжірибелі әскери ұшқыш. Ол Армавира жоғарғы әскери авиация училищесін, Ресей Федерациясы Қарулы Күштері Бас штабының әскери академиясын тәмәмдаған. Үшаралдағы жойғыш полкінде қызмет етуді бастап, Талдықорғандағы Су-27 жойғышын басқарды. Қарағанды штабының бастығы және Шымкент авиациялық базасының командирі болып қызмет етті.

Әскери ұшқыш ретінде генерал-майор Қосанов ұшақтың көптеген түрлерін меңгерді. Атап айтқанда СУ-25 шабуылдау ұшағы, Су-27жойғыш-бомбалаушы, Су-30СМ көпфункцияналды жойғышы.

2013 жылдан бастап Дәурен Қосанов Қазақстан Әскери-әуе күштерін басқарды. 2015 жылы ҚР Президентінің жарлығы бойынша оған авиация генерал-майоры атағы табысталды. Оның еңбегі үшін мемлекеттік наградалар, ІІ дәрежелі «Айбын» ордені, «Жауынгерлік ерлігі үшін», 1,2 және 3 деңгейлі «Мінсіз еңбегі үшін» медальдары, сондай-ақ мерейтойлық наградалары табысталды.

 

 

«Оңтүстік» өңірлік қолбасшылығының жасағы Үндістанға барды

Үндістанда қазақстандық және үнділік бірлескен оқу-жаттығулар басталды.  

04 Қазан 2019 13:08 496

«Оңтүстік» өңірлік қолбасшылығының жасағы Үндістанға барды

Үндістанның Питхорагарх қаласына жақын жерде орналасқан әскери палигонында «Қаз-Инд-2019» қазақстандық және үнділік бірлескен оқу-жаттығулар басталды, деп хабарлайды Қорғаныс министрлігінің баспасөз қызметі.

Шара қарсаңында Үндістанға Қазақстан Құрлық әскерлері «Оңтүстік» өңірлік қолбасшылығының әскери қызметшілер жасағы келді.

Екі апта бойы халықаралық жиынтық бөлімше құрамында 60 қазақстандық әскери қызметші үнді әріптестерімен тренингтерге қатысып, тәжірибе алмасып, тау жағдайында шартты заңсыз әскери құрылымдарды оқшаулау және жою бойынша іс-қимылдарды теорияда жүзінде зерттеп, іс-жүзінде пысықтайтын болады.

Қазіргі таңда оқу-жаттығуға қатысуышалар, құрамында әр мемлекеттен 60 адам болатын қазақстандық және үнділік әскери қызметшілердің жиынтық бөлімшесін құруға кірісіп кетті.

Үнді Қарулы Күштерінің 111-ші жеке механикаландырылған бригада командирі генерал Мандэл, оның бөлімшесіндегі жауынгерлер бірлескен оқу-жаттығуларға қатысқанына, жаңа тәжірибе жинап және алмасатынына қуанышты екенін айтты.

Жаңалықтарға жазылу: