Елдегі барлық отандық компанияларға салынатын корпоративтік салықтың 30 пайыздан 22 пайызға қысқаратыны туралы Үндістанның қаржы министрі Нирмала Ситхараман хабарлады. Сондай-ақ ол 1 қазаннан бастап құрылған өндірістік компанияларға 15 пайыздық салық салынатынын айтты. Бұл дегеніңіз елдегі салықтық жүктеменің Сингапурдағы көрсеткішке дейін түсірілгенін білдіреді.
Ситхараманның пікірінше, осы шараның арқасында инвестиция көлемі ұлғайып, жұмыссыздақ азайып, экономика өсімі артады және кіріс те көбеймек.
Үндістанның салықтық мөлшерлемені төмендетудегі ойы - инвестицияны тарту. Өйткені АҚШ пен Қытай арасындағы сауда соғысы көптеген компанияларды жаңа нарыққа көшуге итермелеуде.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
