Маусым айында ресейлік мұнайдың Үндістанға импортталуы бір тәулікте рекордтық 950 мың баррельге дейін өсті, деп хабарлайды inbusiness.kz Reuters агенттігіне сілтеме жасап.
Бұл – Үндістандағы мұнай импортының жалпы көлемінің бестен бір бөлігі. Маусым айында Үндістан 4,8 млн баррель (бір тәулікте) мұнай импорттады. Мамыр айымен салыстырғанда 3,8%-ға аз, бірақ бір жыл бұрынғы көрсеткіштен шамамен 23%-ға көп.
Ресейлік мұнайдың импортталуы маусым айында 15,5%-ға өсті, ал Ирак пен Сауд Арабиясынан тасымалданған шикізат көлемі 10,5%-ға және 13,5%-ға қысқарды.
Ескере кететін жайт, Ресей – Үндістанға мұнай тасымалдайтын ірі импорттаушылардың бірі. Бұл тізімде ол Ирактан кейін екінші орында, Сауд Арабиясы үшінші орында.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
