Үндістанда 300-ден астам адам белгісіз ауруға шалдықты. Бұл туралы жергілікті басылымдар хабарлады.
Андхра-Прадеш штатындағы дәрігерлерінің дерегінше, бір адам дерттен көз жұмған. 315-і қазір ауруханада ем қабылдап жатыр. Науқастардың талып қалуы, бас айналуы, бас ауруы мен эпилепсия белгілері тіркелген. Олардың коронавирус инфекциясына шалдықпағаны анықталды. Жергілікті билік тұрғындардың жаппай ауруға шалдығуына ауаның ластануы мен сапасыз азық-түлікті пайдалану себеп болуы мүмкін деп отыр.
Еске сала кетсек, бұған дейін Сенегалда 200-ден астам балықшының белгісіз дертке шалдыққаны жарияланған еді. Бұл елдегі дәрігерлер науқастардың денесі қабыршақтанып, еріндері ісіп, көздерінің қабынғанын айтқан болатын.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
