Үндістандағы контрабандаға қарсы барлау офицерлері Гуджарат портында үш тоннаға жуық героин тапты, деп хабарлайды Inbusiness.kz BBC News-ке сілтеме жасап.
Басылымның мәліметінше, тәркіленген тыйым салынған заттар партиясының құны 2,7 миллиард долларға бағаланып отыр. Есірткі Ауғанстаннан Ирандағы Бендер-Аббас порты арқылы жеткізілген көрінеді.
Алдын ала тінту жұмыстары Үндістанның бірнеше ірі қаласында жүргізілген. Барлау өкілдері героиннің заңсыз айналымымен айналысқаны үшін екі адамды тұтқындаған. Сонымен қатар бірнеше ауғанстандық тергеліп жатыр.
15 қыркүйекте Италияның Прато қаласында тұратын Франческо Спагнези есімді діни қызметкер есірткі саудасымен айналысты деп айыпталған еді. 40 жастағы ер адам танысу сайттары арқылы адамдарды өзі ұйымдастырған кештерге шақырған. Ол кокаин мен басқа да тыйым салынған заттарды сатып алып, кешке келген қонақтарға сатқан.
Табиғат Нұрболат
