Үндістанның Тамилнад штатында орналасқан пиротехника фабрикасындағы жарылыс салдарынан 8 адам қаза тапты, деп жазады inbusiness.kz Синьхуа порталына сілтеме
жасап.
Ресурстың жазуынша, Ченнай қаласынан оңтүстік-батысқа қарай 80 шақырым жердегі Канчипурам округінің Курувималай ауданындағы фабрикада отшашу өндірісінде қолданылатын шикізат кенеттен тұтанғаннан жарылыс пайда болған.
“Бүгін Курувималай ауданында орналасқа пиротехникалық фабрикада жарылыс болып, 5 адам қаза тапты, тағы үшеуі ауруханада алған жарақаттарынан қайтыс болды", - деді Канчипурам округі басқармасының өкілі.
Ақпаратқа сәйкес, зардап шеккендердің 13-і Канчипурам мемлекеттік ауруханасында жатыр, тағы үшеуі Ченнайдағы екі ауруханаға жіберілген.
Полицияның мәлімдеуінше, кәсіпорынның қираған ғимаратында құтқару операциясы жүріп жатыр. Жарылыс кезінде мұнда 25-тен аса қызметкер жұмыс істеген.
Құқық қорғау органы бұл дерек бойынша қылмыстық іс қозғады.
