Оқыс оқиға Үндістанның Мадхья-Прадеш штатында болды, деп хабарлайды inbusiness.kz сайты The Hindustan Times басылымына сілтеме жасап.
"Сейсенбі таңертең Мадхья-Прадеш штатындағы Бейрагарх ауылындағы отшашу фабрикасында болған жарылыс салдарынан 11 адам қаза тауып, 60 адам жараланды", - делінген басылым хабарламасында.
Жарылыс жақын маңдағы 60 үйді қиратты. Бұған қоса билік тағы 100 үйден адамдарды эвакуациялады.
Оқиға орнында құтқару операциясы жалғасып жатыр. Сондай-ақ, ондаған адам зауыт ғимаратының қирандыларының астында қалуы мүмкін. Жарылыстың күшті болғаны сонша, ол 15 шақырым радиуста сезілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
