/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Үндістандағы қазақстандықтарды қайтару әлі талқыланып жатыр – министр

Үндістандағы қазақстандықтарды қайтару әлі талқыланып жатыр – министр

76 азамат елге елге қайта алмай отыр.

27 Наурыз 2020 17:33 177

Үндістандағы қазақстандықтарды қайтару әлі талқыланып жатыр – министр

Коронавирустің өршуіне байланысты Үндістан билігі барлық бағыттағы шекарасын тарс жауып тастаған. Карантин құрсауында қалған шетелдіктер арасында 76 қазақстандық та бар. Ақпарат және қоғамдық даму министрі Дәурен Абаев оларды елге қайтару мәселесінің әлі шешілмей жатқанын айтты.

«Қазіргі сәтте 76  азаматымыз туралы айтылып отыр. Өздеріңіз білетіндей, Үндістан барлық шекараны 15 сәуірге дейін жапты. Тыйым барлық әуе, жерүсті және теңіз көліктеріне қатысты. Сондықтан отандастарымызды әкелу мерзімі мен жолдары талқылау кезеңінде», – деген министр.

Есжан Ботақара

Украинадан 76 отандасымыз оралды

«Киев – Алматы – Киев» бағытында чартерлік рейс ұйымдастырылды.

28 Наурыз 2020 09:37 120

Украинадан 76 отандасымыз оралды

Коронавирустық инфекцияның жылдам тарауына байланысты біздің азаматтарымызды шет елдерден қайтару жөніндегі іс-шаралар шеңберінде 27 наурызда Украинадан Қазақстанға тағы 76 отандасымыз сәтті оралды, деп хабарлайды СІМ баспасөз қызметі.

«Елшіліктің дипломаттары ауқымды жұмыс атқарып, соның ішінде Қазақстанға қайтатын азаматтарымыздың тізімін әзірлеп, «Киев – Алматы – Киев» бағытында чартерлік рейс ұйымдастыру үшін тиімді әуекомпаниясын анықтау, қазіргі әлемдегі қиын жағдайда логистика мәселесін шешу және басқа да көптеген ұйымдастыру шараларын жүзеге асырды»,– дей келе ҚР СІМ Украинадағы еліміздің дипломаттарына азаматтарымыздың игілігі үшін қажырлы еңбек етіп, қойылған міндеттерді адал орындағанына алғыс білдірді.

Үндістан экономикасын ынталандыру үшін 22,6 млрд доллар бөледі

Биліктің мұндай шешімді қабылдауына пандемия түрткі болып отыр.

26 Наурыз 2020 17:38 250

Үндістан экономикасын ынталандыру үшін 22,6 млрд доллар бөледі

Үндістан үкіметі коронавирус пандемиясынан зардап шеккендерге 22,6 млрд доллар шығындамақ. Елдің қаржы министрінің айтуынша, одан бөлек азық-түлік мәселесі де қарастырылатын болды. 

Алдағы үш айда билік жағдайы төмен тұрғындарды тегін газбен қамтамасыз етіп, медициналық қызметкерлерге 5 миллион рупий көлемінде сақтандыру төлемін үлестірмек.

Айта кететін жайт, Үндістанда 25 наурыздан бастап қатаң оқшаулану режимі енгізілген. 21 күн бойы барлық өңірлер арасындағы шекаралар жабық болады. Барлық тұрғындар үйлерінен шықпауы тиіс, яғни коменданттық сағат жарияланды. 

Соңғы ресми мәліметке сүйенсек, елдегі науқастардың саны 649-ға жеткен, 13 адам індеттен қайтыс болған.

Табиғат Нұрболат