Үндістанның солтүстігінде орналасқан штаттардағы толассыз жауын-шашын мен су тасқыны салдарынан кемінде 58 адам ажал құшты. Жауынның арты көшкінге ұласып, өзендер арнасынан асты. Су қоймаларындағы су деңгейі қалыпты нормадан көтеріліп кетті.
Кеше Нью-Дели қаласы маңындағы өзеннің суы тасып, шаһардан 10 мыңға жуық адам қауіпсіз жерге көшірілді.
Тамыз айынан бері су тасқыны салдарынан Үндістанда 300-ге жуық тұрғын жантәсілім еткен. Мамандардың болжамы бойынша, жақын күндері жауын-шашын әлі де жалғасуы мүмкін.
Маусым айының соңында Оңтүстік Азияға келген муссон соңғы он жылдағы ең сұрапыл дауылдардың бірі болып тіркелді.
Табиғаттың тосын мінезінен елдің бірқатар ауданы зардап шегіп отыр. Апат салдарынан көлік қозғалысы тоқтап, ғимараттар қирап қалған.
Табиғат Нұрболат
