ҚР Мемлекеттік кірістер департаменті уранға пайдалы қазбаларды өндіру салығының мөлшерлемесі өзгеретінін айтты, деп хабарлайды inbusiness.kz сайты.
"ҚР Салық кодексінің 746-бабының 1-тармағына "Салық және бюджетке төленетін басқа да міндетті төлемдер туралы" "Қазақстан Республикасының Кодексіне өзгерістер мен толықтырулар енгізу туралы" 2024 жылғы 1 шілдедегі №105-VIII өзгерістер енгізілді. Онда экономиканың тау-кен металлургия секторының жер қойнауын пайдаланушылары үшін өндірілген уранға пайдалы қазбаларды өндіруге салынатын салық мөлшерлемелерін (ПҚӨС) 2 кезеңмен арттыруды көздейді", - делінген хабарламада.
2025 жылғы 1 қаңтардан бастап өндірілген уран ПҚӨС мөлшері 6-дан 9 пайызға дейін артады. Бұдан әрі 2026 жылғы 1 қаңтардан бастап жылдық өндіру көлеміне және уранның орташа өлшенген бағасына байланысты уранға сараланған ставкалар енгізіледі.
