Сондай-ақ активтерді қайтару туралы заңнамаға түзетулер енгізу бойынша жұмыс шеңберінде оларды ерікті негізде қайтару қарастырылады, деп жазады inbusiness.kz сайты премьер-министр орынбасары Нұрлан Байбазаровтың баяндамасына сілтеме жасап.
Сондай-ақ ел экономикасына инвестиция салу жолымен активтерді қайтару тетіктері пысықталатын болады.
Агроөнеркәсіптік кешенде кредит беруді ұлғайту, субсидияларды бақылауды күшейту және жер учаскелерін қайтаруды оңайлату жөніндегі шаралар көзделген. "Ауыл Аманаты" жобасы аясында ауыл тұрғындары өндірген өнімді қайта өңдеу және өткізу инфрақұрылымын құру, жаңа құрал – "тауарлы несие" енгізу мүмкіндігі, сондай-ақ азаматтарды өнімді ауыл шаруашылығы дақылдарын өсіруге оқыту орталықтарын іске қосу көзделген.
Өнеркәсіпте отандық шикізатты барынша пайдалануға және аралас өндірістерді дамытуға баса назар аудара отырып, жобалар іске асырылатын болады. Толыққанды ұлттық автомобиль жасау кластерін құру бойынша шаралар қаралатын болады. Сондай-ақ газ саласын дамыту бойынша кешенді жоспар өзектендіріледі.
