Венгрияның Дебрецен қаласында боктан Иштван Бошкайды еске алуға арналған халықаралы турнирдің финалына шыққан боксшылар анықталды, деп хабарлайды Olympic.kz.
Ақтық сында айқасатын боксшылар қатарында үш қазақстандық спортшы бар. 52 келідегі Сабырхан Махмұдов италиялық Федерико Серруды ұтып, финалға жолдама алды. 69 келідегі Талғат Шайкен Украина спортшысы Ярослав Самоталовты жеңді. Сондай-ақ, 91 келідегі Айбек Оралбай франциялық қарсыласын ұтып, турнирдің алтынына таласатын болды.
Ал жартылай финалда сүрінген Айдос Арапов (57 келі), Нұрбек Оралбай (81 келі) және Дамир Тойбай (+91 келі) қола жүлдегерлер қатарында.
Финалдық кездесулер 7 ақпанға жоспарланған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
