Бразилияның Сан-Паулу қаласына жақын жерде Voepass компаниясының жолаушылар ұшағы апатқа ұшырады. Компанияның хабарлауынша, ұшақта 61 адам болған. Жергілікті билік жолаушылар мен экипаж мүшелерінің ешқайсысы тірі қалмағанын хабарлады, деп жазады inbusiness.kz сайты ВВС-ге сілтеме жасап.
Авиакомпанияның хабарлауынша, ATR 72 қос моторлы турбовинт ұшағының бортында 62 адам болған: 58 жолаушы және төрт экипаж мүшесі. Кейінірек борттағылардың саны нақтыланды: билетті сатып алғандардың бірі рейске кешігіп келген, деп хабарлады Reuters агенттігі кешігіп келген адаммен байланысқан жергілікті БАҚ-қа сілтеме жасап.
Осыдан соң Валинхош қаласының мэрі апаттан аман қалғандар жоқ деп хабарлады.
Ұшақ Каскавелден (Парана штаты Парагвай мен Аргентина шекарасына жақын) Гуарулос әуежайына ұшқан.
Бразилия президенті Луис Инасио Лула да Силва қайғылы оқиға туралы жаңалық белгілі болған кезде өзі сөз сөйлеген шарада бір минут үнсіздік жариялады.
Кейін ол қаза тапқандар үшін елде үш күндік аза тұту жариялады.
WATCH: Crash site of Voepass Flight 2283 in Vinhedo, Brazil. 62 people were on board pic.twitter.com/ngUhvEtSRS
— BNO News (@BNONews) August 9, 2024
