Мәжілістің жалпы отырысынан кейін журналистер министрден әуе компанияларындағы овербукинг мәселесіне қатысты сұрақ қойды, деп жазады inbusiness.kz сайты.
Сондай-ақ бұл бағытта қандай нақты шешімдер қабылданып жатқанын сұрады.
Министрдің айтуынша, овербукинг – әлемдік тәжірибеде қолданылатын тетік болғанымен, бұл мәселе бұған дейін де бірнеше рет көтерілген.
– БАҚ-та тараған ақпаратқа байланысты Азаматтық авиация комитеті тиісті тексеру жұмыстарын бастады. Тексеріс нәтижесі бойынша ресми қорытынды жарияланады. Қазіргі таңда тараған деректердің қаншалықты шындыққа жанасатынын анықтау қажет, – деді Нұрлан Сауранбаев.
Айта кетейік, бұған дейін әуе тасымалдаушылары "овербукинг", яғни ұшақтағы орын санынан артық билет сату тәсілін жиі қолданатыны туралы ақпараттар жарияланған болатын.
