Инвестицияның жеткіліксіздігінен үшінші модернизация жоспарын жүзеге асыру қиындай түсті, деп хабарлайды finprom.kz.
Қазақстан кәсіпорындарының негізгі қорының жаңару қарқыны бәсеңдеп, соңғы 5 жылда ең төмен деңгейге жетті. 2016 жылдың қорытындысы бойынша, республиканы тұтастай алғанда негізгі жаңару коэффициенті 9,1% құрады.
2015 жылы ҚР кәсіпорындарында шаруашылық қызметі барысында пайдаланылған барлық негізгі мүліктің 16,1 % жаңарған болатын.
Осылайша, жаңармаған керек-жарақтар қатары жылдан-жылға ұлғая түсті. 2016 жылы барлық негізгі мүліктің 37,7% жаңармаған болса, бір жыл бұрын бұл көрсеткіш 38,7 % құраған еді.
Негізгі қорларға инвестиция құю қарқыны төмендегендіктен өндірістегі жабдықтың ескіруі Үшінші модернизацияны іске асыруға бөгет болып отыр.
2016 жылы өндірістегі жетілдіруге 2015 жылға қарағанда 2%-ға көп инвестиция салынды. Бұл соңғы 5 жылдағы инвестқұю көлемінің ең төмен өсу көрсеткіші саналады.
Инвестиция құюдың бәсеңдеуі 2014 жылдан бастап байқалған болатын, инвестқұю көлемі 4,2 % құраған еді. Ал 2013 жылы 6,9% болды.
