Халыққа есеп беру жиынында Индустрия және инфрақұрылымдық даму министрі Бейбіт Атамқұлов әуе рейсінің ұшпай қалуы себебінен билетті қайтару мәселесі жайлы айтты.
"Авиакомпанияларға төтенше жағдай кезінде ұшпай қалған рейстерге билетті айыппұлсыз, толық бағасын қайтару тапсырылды. Алайда "авиата", "тикеткз" тәрізді агрегаторлар тәуелсіз компаниялар. Осындай агрегаторлардың кейбіреулері басқа мемлекет аумағында орналасқан. Қиындық осылардан туындап отыр. Кейбір турагенттіктер шетелдік офистер арқылы билет сатады. Сондықтан осындай мәселелерді азаматтық-құқықтық алаңда сот органдары арқылы шешу керек. Ал авиакомпаниялар билет бағасын толық қайтаруға міндетті", – деп түсіндірді министр.
Нұржан Көшкін
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
