"Біріншіден утилизациялық алым мәселесі бойынша Экология министрлігіне Қаржы, Ұлттық экономика министрліктерімен, басқа да мүдделі мемлекеттік органдармен және ұлттық кәсіпкерлер палатасымен бірлесіп, нақты іске асыру механизмдері мен тиісті ұсыныстар енгізуді тапсырамын", – деді Әлихан Смайылов Үкімет отырысында.
Екіншіден, ол Энергетика министрлігіне бәсекелестікті қорғау және дамыту агенттігімен, Бас прокуратурамен және басқа да мемлекеттік органдармен бірлесіп, мұнай өнімдері нарығын реттеу бойынша шаралар кешенін әзірлеуді тапсырды.
"Үшіншіден, бюджетке қосымша кіріс көзінің бірі – бензин өндірушілер мен делдалдарға арналған акциздер болуы тиіс. Энергетика министрлігіне Қаржы, Ұлттық экономика министрліктерімен бірге бір аптаның ішінде тиісті есептер жасап, ортақ ұсыныстар енгізуді тапсырамын", – деді Үкімет басшысы.
Дәурен Ерболат
