Бүгін "Astana Media Week" апталығы аясында үздік баспасөз қызметтері марапатталды, деп xабарлайды ҚазАқпарат.
Атап айтқанда, "Үздік жергілікті атқарушы органның үздік баспасөз қызметі" аталымында Батыс Қазақстан облысы әкімдігінің баспасөз қызметі оқ бойы озық шықса, квазимемлекеттік салада "Қазақстан теміржолы" АҚ баспасөз қызметі жеңіске жетті. Астана қаласының ресми сайты "Үздік корпоративті сайт" атанды. Ал ҚР төтенше жағдайлар комитетінің ресми өкілі Руслан Иманқұлов кәсіби дайындығы үшін арнайы сыйлықпен марапатталды. Ал ҚР сыртқы істер министрлігінің баспасөз xатшысы Әнуар Жайнақов жылдың үздік баспасөз xатшысы атағына ие болды.
Айта кетейік, бүгінде мемлекеттік органдардың ақпаратты ашық әрі жылдам таратуы аса маңызды. Сол себепті ресми сайттар мен ашық электронды платформаларды дамыту жұмысына баса назар аударалып келеді. Осы орайда баспасөз қызметтерінің де атқарар рөлі зор. "Astana Media Week" апталығы аясындағы марапаттау осы қызметті күшейтуді көздейді. Мемлекеттік органдардың ішінде ҚР Инвестициялар және даму министрлігінің баспасөз қызметі үздік деп танылды
