"Астана EXPO-2017" халықаралық мамандандырылған көрмесінің қарсаңында жұмыста үздік көрсеткіштерге ие судьялар мен қызметкерлерге аталған іс-шараны тамашалау үшін билеттер берілді, деп хабарлайды ҚР жоғарғы сотының баспасөз қызметі.
Мұндай шешімді "EXPO-2017" көрмесінің маңызы туралы арнайы отырыстар өткізу қорытындысы бойынша Қазақстан Республикасы Судьялар одағының орталық кеңесі өңірлік филиалдармен бірлесіп қабылдады.
Билеттердің бір бөлігі ардагер судьяларға берілді. Көрменің барлық билеттері Судьялар одағының қаражатына алынған. Көрмеге барлығы 167 адам келеді. Олардың ішінде 125-і - қызметтегі, 39-ы - отставкадағы судьялар және үшеуі кеңсе қызметкерлері.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
