Ақтөбе облысы Байғанин ауданында оқыс оқиға тіркелді. Вагондағы қиыршық тасты түсірмек болған 35 жастағы азамат басынан жарақат алып, мерт болды, деп хабарлайды Aktobenews.kz.
"12 қыркүйек күні Байғанин ауданы Қарауылкелді ауылында вагоннан зат түсіру кезінде арнайы ашылатын люк пен дөңгелек арасына бір адам қысылып, дене жарақатынан көз жұмды. Аталған дерек бойынша Қылмыстық кодекстің "Еңбекті қорғау қағидаларын бұзу" бабы бойынша сот алды тергеу жұмыстары жүріп жатыр", — деп хабарлады облыстық ІІД баспасөз қызметі.
Айта кетейік, 35 жастағы ер адамның басы қысылып қалып, оны жанындағы жұмысшылар шығарып алды. Басынан ауыр жарақат алған адам сол жерде көз жұмды. Үйленген, балалары бар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
