Мамандардың айтуынша, ауру деңгейінің азаюына балаларды жоспарлы вакцинациялау және екпе алмағандарды қайта иммундау жұмыстарының күшеюі әсер еткен.
Дегенмен, ауырғандардың басым бөлігі – 88% немесе 67 бала – екпе алмаған. Олардың ішінде:
- 69%-ы ата-аналардың вакцинадан бас тартуына байланысты екпе алмаған;
- 22%-ында медициналық қарсы көрсетілім болған;
- 9%-ы әлі екпе жасына жетпеген.
Денсаулық сақтау министрлігінің мәліметінше, биылғы жылдың алғашқы 4 айында көкжөтелге қарсы жоспарлы вакцинациямен 178,9 мың бала қамтылды. Оның ішінде:
- 1 жасқа дейінгі 51,6 мың бала;
- 1 жастағы 46,7 мың бала;
- 6 жастағы 80,7 мың бала егілді.
Сонымен қатар, екпе алмаған балаларды қосымша иммундау жұмыстары жалғасып жатыр. Жыл басынан бері 18 жасқа дейінгі 64,6 мың бала мен жасөспірім вакцинациямен қамтылған.
Мамандар вакцинация көкжөтелдің алдын алудың ең тиімді жолы екенін және әсіресе кішкентай балаларды ауыр асқынулардан қорғауда маңызды рөл атқаратынын еске салады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
