Оның айтуынша, екпенің бірінші компонентін салдырған күннің өзінде вирус жұқтыру қаупі жоғары болады.
"Вакцинаның бірінші компонентін алған адамда (коронавирусқа қарсы – автор) иммунитет толық болмайды. 21 күннен кейін екінші компонентті міндетті түрде алу керек. Нәтижесінде адамда (коронавирусқа қарсы – автор) толық иммунитет пайда болып, вирус жұқтыру қаупі төмендейді. Ал адам вакцинаның екінші компонентін алмаса, (коронавирус жұқтырған жағдайда – автор) ауру жұқтыру қаупі жоғары болады", - деді дәрігер өңірлік коммуникациялар қызметінде өткен баспасөз мәслихатында.
Гүлзат Байзахова адам екінші компонентті алғаннан соң көпшілікке жерге шықпай, санитарлық-гигиеналық талапты сақтау керегін атап өтті.
"СOVID-19-ға қарсы вакцинаның бірінші компонентін алып, коронавируспен ауырмаймын деп ойлау қате. Сондықтан екпенің екінші компонентін алып, аурудан толық қорғану керек", - деді бөлім меңгерушісі.
Дәрігер осы күнге дейін қалалық №5 ауруханада коронавирусқа қарсы вакцинаның екінші компонентін алмау дерегі тіркелмегенін айтты.
Дәурен Ерболат
