Израиль премьер-министрі Беньямин Нетаньяхудың Палестина Мемлекетін құру идеясын жоққа шығаратын мәлімдемелері АҚШ әкімшілігінде наразылық тудырды, деп хабарлайды inbusiness.kz The National-ға сілтеме жасап.
Нетаньяху белгілі бір дәрежеде мойынсұнбаушылық пен қыңырлық танытып, Израиль-Палестина қақтығысын шешудің жалғыз әдісі ретінде екі мемлекеттің (Израиль мен Палестина) қатар өмір сүруіне негізделген америкалық көзқарасқа қарсылық білдірді, делінген материалда.
АҚШ-тың жоғары лауазымды шенеуніктері Нетаньяхудың америкалық кеңеске құлақ салғысы келмейтініне наразылық білдірді, деп жазады көптеген араб бұқаралық ақпарат құралдары.
Нетаньяхудың мәлімдемелері туралы журналистердің сұрақтарына жауап бере отырып, Ұлттық Қауіпсіздік Кеңесінің өкілі Джон Кирби брифингтердің бірінде бұл мәлімдемелер Президент Байденнің Палестина мемлекетін құруға деген ұстанымы мен тілегін өзгертпегенін айтты.
"Бұл Премьер-Министр Нетаньяхудың өзгеше бір мәлімдемесі емес және Біз Палестина Мемлекетін құру мақсатына жету үшін жұмысты тоқтатпаймыз".
"Израильдің берік қауіпсіздікке қол жеткізу жолында кездесетін ұзақ мерзімді мәселелерді шешудің және Газаны қалпына келтірудегі, сектордағы басқару нысанын анықтаудағы және Палестина мемлекетін құрмай қауіпсіздікті қамтамасыз етудегі қысқа мерзімді мәселелерді шешудің жолы жоқ", - деді Мэттью Миллер, АҚШ Мемлекеттік департаментінің өкілі.
