Шосседегі велоспорттан әлем чемпионатына Қазақстан ұлттық құрамасынан кімдер қатысатыны белгілі болды, деп хабарлайды Olympic.kz.
24 қыркүйек Италияда шосседегі велоспорттан әлем чемпионаты басталады..Аталған әлем біріншілігіне тек "элита" санатындағы спортшылар ғана қатыса алады.
Жылдың ең маңызды додасына Қазақстан құрамасы сапынан 6 велошабандоз жарыс жолына шығады. Олар: Алексей Луценко, Жандос Бижигитов, Дмитрий Груздев, Даниил Фоминых, Юрий Натаров и Вадим Пронский. Айта кетерлігі, өткен маусымда қазақстандық велошабандоздардың сәтті өнер көрсетуі ұлттық құрамаға әлем чемпионатына толық құраммен қатысуға мүмкіндік берген.
Сондай-ақ, Дмитрий Груздев пен Даниил Фоминых жекелей сынға түсуге өтінім берген. Ал топтық кезеңде қазақстандық спортшылар жарысты толық құраммен бастайды. Бұл жарыс барысында жақсы нәтижеге қол жеткізуге септігін тигізеді.
Қазақстан құрамасы әлем біріншілігіне элиталар санатында толық құраммен соңғы рет осыдан 11 жыл бұрын Швейцарияда қатысқан.
