Италияда енді Венеция қаласына кіретін саяхатшылар саны шектеледі, деп хабарлайды Inbusiness.kz сайты 24.kz арнасына сілтеме жасап.
Тиісті шешім осы жылдың 1 маусымынан бастап күшіне енеді. Жаңа ережеге сай бір туристік топта адам саны 25-тен аспауы тиіс. Шара қаладағы қоғамдық тәртіпті реттеуге мүмкіндік береді, дейді жергілікті билік. Бұдан бөлек, саяхатшылардан алым алынатын болды. Оның мөлшері жыл мезгіліне қарай өзгеріп тұрмақ.
Айта кетейік, Венеция билігі 3 жыл бұрын тарихи орындарды қорғау мақсатында шаһарға ірі круиздердің кіруіне шектеу енгізген еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
