Наразылық шаралары ел астанасы Каракас пен тағы 20 қалада өткен. Жергілікті ақпарат құралдары ереуілдер кезінде 3 адамның қаза тапқанын хабарлады.
Ел президенті Николас Мадуро қарулы күштерді жоғары дайындық жағдайына көшіруге бұйрық берді.
Айта кетейік, сәуірдің басында жоғарғы сот елдегі заң шығарушы орган – ұлттық ассамблеяның билігін шектеу туралы шешім қабылдаған. Алайда артынша оны кері қайтарғанына қарамастан Венесуэлада жаппай ереуілдер белең алды.
Көп жағдайда наразылық шарасы полицейлермен қақтығысқа ұласып жатыр. Тәртіпсіздікке байланысты жарты мыңнан астам адам тұтқындалған. Олардың тең жартысы әлі күнге дейін қамауда отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
