Қостанай облысының прокуратурасы Әулиекөл ауданында ветеринариялық анықтамаларды қолдан жасап, оларды сатқан ерлі-зайыптыларға қатысты қылмыстық істі сотқа жіберді, деп жазады inbusiness.kz сайты.
Тергеу мәліметінше, күдіктілер 2024 жылдың желтоқсанынан 2025 жылдың тамызына дейін өз үйлерінде түрлі-түсті принтер арқылы мал мен ет өнімдерін тасымалдауға рұқсат беретін 1-нысанды ветеринариялық анықтамаларды қолдан жасап, оны ақшалай сыйақыға сатқан.
Аталған әрекеттер ҚР Қылмыстық кодексінің 385-бабы 2-бөлігіне сәйкес сараланған. Бұл – алдын ала сөз байласу арқылы бірнеше рет жасалған ресми құжатты қолдан жасау және өткізу.
Баптың санкциясы 4 жылға дейін бас бостандығынан айыруды көздейді.
Іс бойынша шешімді енді сот шығарады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
